Ytri-Rangá langefst

Nýjar vikulegar veiðitölur frá Landssambandi veiðifélaga um laxveiði á landinu birtust á vef félagsins í nótt.  Nær samantektin yfir veiði vikuna 7. til 14. september. Haustlægðir með talsverðri úrkomu hafa gengið yfir landið að undanförnu og haft að sumu leyti jákvæð áhrif eftir langvarandi þurrka í sumar, en einnig hefur sums staðar orðið of mikið af því góða og árnar orðið óveiðandi vegna vatnavaxta.

Eins og áður þá er er Ytri-Rangá langefst á listanum með tæplega 8.000 laxa.  Miðfjarðará í Húnaþingi í næsta sæti fyrir neðan og er með rétt tæpa 4.000 laxa.

Þá bættist Haukadalsá í Dölum í hópa þeirra laxveiðiáa sem hefur náð að fara yfir 1000 laxa og hafa 11 veiðiár náð því markmiði, en Víðidalsá í Húnaþingi á skammt í það og stendur heildarveiðin þar í 990 löxum. Þá fór Eystri-Rangá fór 3000 laxa markið í vikunni. Þá lauk veiði í Þverá og Kjarrá í Borgarfirði og þar sem skráðir voru í bækur 1.902 laxar þetta sumarið.

Ellefu efstu veiðiárnar samkvæmt nýjustu vikutölunum eru þessar:

1. Ytri-Rangá               7.966 laxar (vikuveiði 538)
2. Miðfjarðará              3.948 laxar (vikuveiði 271)
3. Eystri-Rangá            3.050 laxar (vikuveiði 74)
4. Blanda                     2.356 laxar (vikuveiði 26)
5. Þverá/Kjarrá            1.902 laxar (vikuveiði 94) Lokatala
6. Norðurá                   1.297 laxar (vikutölur ekki borist)
7. Haffjarðará              1.280 laxar (vikuveiði 62)
8. Langá                      1.229 laxar (vikuveiði 70)
9. Laxá í Dölum            1.225 laxar (vikuveiði 204)
10. Laxá í Aðaldal           1.165 laxar (vikuveiði 90)
11. Haukadalsá              1.003 laxar (vikuveiði 101)

Nánar má kynna sér þessar upplýsinga hér.

• Blogga um frétt

Seinustu hundraðkallar sumarsins