Eystri Rangá með hátt hlutfall stórlaxa

Fram kemur á sérstökum veiðivef fyrir Eystri Rangá að þar hafi í sumar verið gríðarlega hátt hlutfall stórlaxa.

Fram kemur að þann 15. september var Eystri Rangá komin í 3050 laxa og er í þriðja sæti yfir aflahæstu laxveiðiár á Íslandi.  Hún er þar með kominn í meiri veiði en síðustu tvö ár, en meðalveiði árinnar síðastliðin ár hefur reyndar verið 4645 laxar.

Það sem er  merkilegt við þessa veiði í sumar er að það eru ekki nema um 600 smálaxar í aflanum sem er einungis 20% af veiðinni. Fram kemur að þetta stórlaxahlutfallið sé með því það allra besta hér á landi og fullyrt að slíkur fjöldi stórlaxa hefur aldrei veiðst áður í íslenskri laxveiðiá eða samtals 2450 stórlaxar. Mest veiðist hefur veiðst af 80 til 90 cm laxi í sumar og í gær veiddust til að mynda 15 laxar og þar af voru 11 stórlaxar.

Í mörg ár hefur farið fram klakveiði snemmsumars í Eystri Rangá þar sem lögð er áhersla að ala seiði undan stórlaxi sem hefur verið tvö ár í sjó.

Sömu leigutakar eru af Eystri Rangá og Tungufljóti í Skaftártungum sem er eitt þekktast sjóbirtingssvæði landsins.  Kemur fram að þar hafi veiði farið vel af stað og sjóbirtingstíminn fari senn að ná hámarki. Nú er aðeins veitt á flugu og var fyrsta hollið í byrjun september með 45 birtinga eftir tveggja daga veiði.

Mun vera óvenju mikið af birting í Syðri hólma sem er neðarlega við ármótin við jökulánna Ása Eldvatn. Fram kemur að tíu sjóbirtingar hafi komið þar á land á síðastliðinn föstudagsmorgun og að sjóbirtingurinn sé í óvenju góðum holdum þetta árið. 

• Blogga um frétt

Seinustu hundraðkallar sumarsins