Laxveiðiárnar loka ein af annarri

Vikulegar veiðitölur frá Landssambandi veiðifélaga um laxveiði á landinu birtust á vef félagsins í gærkvöldi og nær samantekt fyrir vikuna 14.til 21. september.  Nú lokar hver veiðiáin á fætur annarri og liggja lokatölur fyrir úr nokkrum þeirra.

Fram kemur að staðfestar lokatölur séu úr eftirfarandi ám: Blanda 2386 laxar, Þverá og Kjarrá með 1902 laxa, Haffjarðará með 1305 laxa, Skjálfandafljót með 404 laxa, Laugardalsá við Ísafjarðardjúp með 251 laxa og Búðardalsá með 211 laxa.

Varðandi listann yfir efstu árnar þá er líkt og áður Ytri-Rangá langefst á listanum með tæplega 8.379 laxa, en þar verður veitt langt fram í október.  Miðfjarðará í Húnaþingi í næsta sæti fyrir neðan og er með heildarveiði upp 4.195 laxa. 

Þá bættist Víðidalsá í Húnaþingi við þær ár sem hafa farið yfir 1000 veidda laxa og eru þær nú tólf talsins.

Tólf efstu veiðiárnar samkvæmt nýjustu vikutölunum eru þessar:

1. Ytri-Rangá               8.379 laxar (vikuveiði 413)
2. Miðfjarðará              4.195 laxar (vikuveiði 247)
3. Eystri-Rangá            3.149 laxar (vikuveiði 99)
4. Blanda                     2.386 laxar (vikuveiði 30) LOKATALA
5. Þverá/Kjarrá             1.902 laxar (veiði lokið) LOKATALA
6. Laxá í Dölum            1.431 laxar (vikuveiði 206)
7. Langá                      1.312 laxar (vikuveiði 80)
8. Haffjarðará              1.305 laxar (vikuveiði 25)
9. Norðurá                   1.297 laxar (vikutölur ekki borist)
10. Laxá í Aðaldal           1.165 laxar (vikuveiði liggur ekki fyrir)
11. Víðidalsá                  1.053 laxar (vikuveiði 63 laxar)
12. Haukadalsá              1.003 laxar (vikuveiði liggur ekki fyrir)

Nánar má kynna sér þessar upplýsinga hér.

• Blogga um frétt

Seinustu hundraðkallar sumarsins