Döpru veiðisumri í Vopnafirði lokið

Veiði er lokið í Hofsá og Selá í Vopnafirði og reyndist veiðisumarið þar eystra hið daprasta um áratugaskeið.

Samkvæmt frá Gísla Ásgeirssyni hjá Streng þá var heildarveiðin í Selá 880 laxar og þarf að leita aftur til ársins 1997 til að leita að verri veiði en það sumar veiddust 685 laxar. Meðalveiði í Selá síðustu 15 árin er 1767 laxar og veiðin í sumar því rétt um helmingur af því.

Í Hofsá og Sunnudalsá reyndist heildarveiðin vera 492 laxar sem er daprasta veiðisumar síðan 1984, en þar meðalveiði síðustu 15 árin er 1291 lax.

Það er óhætt að segja að niðursveifla hafi verið í laxveiði á þessum slóðum síðustu þrjú sumur. Slíkar niðursveiflur hafa þó áður sést í Vopnafirðinum. Varð mikil niðursveifla þar á árunum 1981 til 1984 og hefur það verið rakið til óhagstæðra sjávarskilyrða og hins kalda frosta- og hafísvetrar árið 1979.

• Blogga um frétt

Seinustu hundraðkallar sumarsins