Veiði | mbl | 10.10.2016 | 13:10 | Uppfært 21:39

Rjúpnaveiði á Grænlandi

Hin grænlenska Ena Rosing Nocolajsen með nokkra fugla sem hún veiddi með föður sínum á þessum slóðum í síðustu viku. NASF

Orri Vigfússon hefur hafið undirbúning að skotveiðiferðum til Grænlands þar sem miklar veiðilendur eru fyrir rjúpu. Samkvæmt Orra er áætlað er að fljúga til Nuuk á vesturströndinni og veiða þar í nágrenninu og eru veiðisvæðin meðal annars nokkrar ákjósanlegar eyjar.

Farið var á tilraunaveiðar þangað í síðustu viku og reyndist vera mikið af rjúpu á þessum slóðum. Fyrir nokkrum árum fékk Verndarsjóður villtra laxa (NASF) heimild landbúnaðarráðuneytisins til að koma með til Íslands rjúpur skotnar á Grænlandi og verður nú sótt um endurnýjun á því leyfi.

Fyrirhugað er að fyrsta ferðin verði farin frá Íslandi 28. október næstkomandi og næsta ferð í mars á komandi ári og geta þeir sem hafa áhuga að kynna sér þessi tækifæri betur haft samband á netfangið orri@icy.is.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.