Rjúpnaveiðitímabilið hófst í gær en áætlað er að um fimm til sex þúsund manns gangi á hverju hausti til rjúpna. Dúi Jóhannsson Landmark, formaður Skotveiðifélags Íslands, segir að í heild fari veiðin vel af stað þó svo að veðrið mætti vera betra.
„Manni heyrist allir vera að fá eitthvað en þetta er mjög hófleg veiði á flestum stöðum. Sumir eru að fá eina á meðan aðrir eru að veiða fimm til tíu rjúpur en flestir virðast vera að ná sér í í matinn,“ segir Dúi.
Frétt mbl.is - Rjúpnaveiði hefst í fyrramálið
Fyrirkomulag veiðanna er með sama sniði og verið hefur undanfarin þrjú ár. Heimilt verður að veiða í tólf daga sem skiptast á fjórar helgar á tímabilinu 28. október til 20. nóvember.
Dúi segir veðrið hafa verið veiðimönnum erfitt og það sé ein af ástæðum þess að veiðimenn vilja fá að hefja rjúpnaveiðina fyrr. „Ég er á Vesturlandi og hér er búið að vera rok og rigning. Það þarf úthald í þessu veðri, fólk þarf að vera tilbúið að leggja svolítið á sig en það ættu flestir að geta fengið í jólamatinn.“
Spurður hvar á landinu veiðin hefur verið best segist Dúi ekki hafa neinar áreiðanlegar tölur en almennt eru stærstu rjúpnasvæðin á Norðausturlandi. Hann segir stofninn vera í ágætu standi og að veiðin sé hófleg. „Þetta er hófleg og sjálfbær veiði og það er veitt undir þolmörkunum.“
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |