Samantekt úr Laxá í Kjós

Fram kem­ur á vef leigu­taka Laxár í Kjós að þar hafi veiðin verið með ró­leg­asta móti í ein­hverju mesta þurrka sumri í manna minn­um.

Sam­tals veidd­ust 603 lax­ar úr ánni sem er afar döp­ur veiði og hef­ur aðeins einu sinni síðan 1974 hef­ur heild­ar­veiðin verið minni, en það var árið 2012 þegar rúm­ir 500 lax­ar komu á land. Hins veg­ar var sára­bót að sjó­birt­ingsveiðin var oft á tíðum góð í sum­ar og marg­ir stór­ir birt­ing­ar komu á land. 

Lax­inn gekk snemma þetta árið og voru menn byrjaðir að sjá lax í ánni um miðjan maí. Hins veg­ar brugðust smá­laxa­göng­ur þegar leið á sumarið og var því óvenjuhátt hlut­fall stór­laxa, en 132 stór­lax­ar veidd­ust á móti 471 smá­laxi.  Nokkuð var af löx­um í yf­ir­stærð og stór hluti tveggja ára lax­anna yfir 80 cm. Stærstu lax­arn­ir reynd­ust vera 101 cm hæng­ur sem kom úr Efri-Gljúfr­um og ann­ar hæng­ur sem var 100 cm og veidd­ist á Reyni­valla­eyr­un­um.     

Sam­kvæmt seiðamæl­ing­um sem unnar voru í sumar er ástand á líf­ríki ár­inn­ar í góðu lagi, en ljóst er að heimt­ur smá­laxa á Faxa­flóa­svæðinu voru með allra minnsta móti. Mikið gekk niður af seiðum í vor, sem gæti gefið til­efni til bjart­sýni.

• Blogga um frétt

Seinustu hundraðkallar sumarsins