Sagt er frá því inn á fréttamiðlinum Skessuhorninu að heimamenn á bænum Örnólfsdal, efst í Þverárhlíð í Borgarfirði, hafi orðið vitni að óvenjulegu háttarlagi rjúpnaskyttna í gær.
Fram kemur að Kristinn Egilsson á bænum hafði tekið eftir því að styggð var komin að fénu inn við afréttargirðingu og hafi hann ekið inn eftir til að kanna nánar með málið og þá mætt manni sem kom gangandi út úr kjarrinu. Kvaðst Kristinn hafa gefið sig á tal við manninn sem sagðist þá hafa verið að reka rjúpur úr landi Örnólfsdals inn fyrir afréttargirðinguna svo að félagi hans gæti skotið þær þar. Fram hafi komið hjá manninum að nú væri búið að skilgreina Tvídægru sem sem þjóðlendu og því mætti stunda þar skotveiði.
Mun neðsti hluti þess svæðis sem nefnist Tvídægra vera inn af Örnólfsdal og samkvæmt nýföllnum úrskurði Óbyggðarnefndar er það svæði skilgreint sem þjóðlenda og því í eigu íslenska ríkisins. Kristinn kvaðst varla hafa trúað því sem maðurinn var að segja og finnst það ansi langt gengið að menn gangi svo langt að reka rjúpur úr heimalöndunum til þess að geta skotið þær í aðliggjandi þjóðlendu. Sagðist Kristinn vona að þetta gæfi ekki tóninn varðandi háttarlag annarra rjúpnaskyttna.
Fram kom að lokum að mennirnir hefðu náð að skjóta þrjár rjúpur með þessum hætti, að reka þær úr landi Örnólfsdals og inn á Tvídægru þar sem þær voru skotnar.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |