Frábær veiði í Hlíðarvatni í sumar

Hlíðarvatn í Selvogi er eitt þekktast bleikjuvatn landsins og reyndist nýliðið sumar vera fengsælt og byrjaði veiði af krafi um leið og opnað var hinn 1. maí.  Hélst veiði nokkuð stöðug fram í byrjun september en þá minnkar ástundun yfirleitt mikið. 

Strandarkirkja er eigandi að veiðirétti við vatnið sem skipt er á mili fimm veiðifélaga sem skipta veiðidögum með sér í vatninu. Stangveiðifélag Hafnafjarðar er með fimm stangir, Ármenn er með þrjár stangir, Stangveiðifélag Selfoss með tvær, Stangaveiðifélagið Stakkavík með tvær og Árblik í Þorlákshöfn er með tvær. 

Þegar síðast fréttist var búið að vinna veiðitölur frá öllum þessum félögum nema hjá Árbliki og veiddust um 3.400 bleikjur, til viðbótar við nokkra væna sjóbirtinga. Þetta voru mikil umskipti frá árinu 2015 þegar aðeins veiddust 843 bleikjur allt sumarið sem var eitt hið daprasta veiðisumar við vatnið í fjölda ára. Veiðin sveiflast oft talsvert mikið á milli ára en afrennsli er úr því til sjávar við Vogs­ó­s, en ekkert sjáanlegt yfirborðsvatn rennur í það. 

Meðalþyngd hefur farið vaxandi síðustu árin og á hverju sumri veiðast nokkrar hlussur sem eru á bilinu 5 til 7 pund.

• Blogga um frétt

Seinustu hundraðkallar sumarsins