Sjóbirtingar úr Laxá í Kjós í Trout & Salmon

Greint er frá því inn á vef leigutaka Laxár í Kjós að í næsta tölublaði breska tímaritsins Trout & Salmon verði meðal annars fjallað um merkilegan stofn sjóbirtings sem er að finna í ánni. Tímaritið er eitt hið virtasta í heimi stangveiðinnar og það útbreiddasta í Evrópu og er gefið út mánaðarlega.

Fram kemur að í sumar sem leið var um 400 sjóbirtingum landað úr ánni en aðeins voru færðir til bókar fiskar yfir 3 pund. Þetta var kærkomin viðbót við laxveiðina sem var óvenju döpur í ánni í sumar, en að allt of margir veiðimenn líta á birtinginn sem annars flokks meðafla þegar þeir eru á laxveiðum.

Geta sjóbirtingarnir oft verið mjög stórir  í Laxá og meðalþungi þeirra er oft á tíðum meiri heldur en laxins.  Laxá í Kjós er að mati margra ein mesta sjóbirtingsveiðiá landsins og enginn eftirbátur margra þekktra sjóbirtingssvæða í Skaftafellssýslu.

• Blogga um frétt

Seinustu hundraðkallar sumarsins