26 punda urriði úr Þingvallavatni

Sagt er frá því inn á veiðivefnum Vötn og veiði að danski veiðimaðurinn Nils Folmer Jörgensen hafi í gærkvöldi landað þar risaurriða.

Nils býr á Íslandi og veiðir mikið hér á landi og stundar mikið veiði á svokölluðu Ion-svæði á Þingvöllum og hefur landað þar mörgum stórum urriðum síðustu sumar. Í gærkvöldi skrapp hann í lokaveiðitúrinn í vatninu þetta sumarið áður en byrjar að einbeita sér að laxveiðinni. Fram kemur að hann hafi landað 12 urriðum og þar af einum 98 cm höfðingja sem var veginn í háfnum 12,6 kíló.

Fram kom að enn væri mikið að veiðast af urriða og nú væri þurrflugutíminn í algleymi.  Stóri urriðinn tók hins vegar svokallaða Olive Ghost straumflugu.

• Blogga um frétt

Seinustu hundraðkallar sumarsins