Hnúðlax á land í Þistilfirði

Fleiri fréttir hafa verið að berast af veiddum hnúðlöxum víða um land þetta sumarið og á þriðjudaginn veiddist einn til viðbótar í Sandá í Þistilfirði.

Frétt af mbl.is

Hnúðlax náðist í net í Patreksfirði

Það var Stefán Hrafn Stefánsson fasteignasali sem veiddi rúmlega fjögurra punda hnúðlax í veiðistaðnum Steinríki sem er neðarlega í Sandá í Þistilfirði. Kvaðst honum hafa brugðið mikið í brún þegar þessi ódráttur kom að landi.

Fram kom hjá Stefáni að veiðin að undanförnu hefði verið að braggast í Sandá. Veitt væri á þrjár stangir í fjögra daga hollum sem væru að taka á milli 20 til 30 laxa. Í gær voru samtals komnir 190 laxar á land það sem af er sumri. 

Stefán sagði að áberandi væri þó að miklu minna væri af laxi í ánni núna en oft áður sem virtist vera sama sagan heilt yfir í öðrum ám á norðausturlandi.

• Blogga um frétt

Seinustu hundraðkallar sumarsins