Að sögn Matthíasar Þórs Hákonarsonar sem annast veiðirétt á Mýrarkvísl í Þingeyjarsýslu þá hefur laxveiðin þar verið rólegri en síðustu sumur en þó kom gott skot í hana með veðrabrigðum síðustu daga.
Mýrarkvísl er ein af hliðarám Laxár í Aðaldal og sameinast þær í svokallað Mýrarvatn skammt ofan við Laxamýri ekki langt frá Æðarfossum. Er Mýrarkvísl, eins og Laxá þekkt fyrir háa meðalþyngd laxa og góða urriðaveiði.
Fram kom í samtali við Matthías að laxveiđin hefði fremur róleg það sem af væri sumri sem hefði lengi framan hefði einkennst af þurrki og hlýindum. Síðustu daga hefði hún þó glæđast talsvert með þegar vindátt breyttist og byrjaði að rigna.
Hann kvaðst ekki vera međ heildartölu á veiddum laxi á takteinum en sagði töluvert af laxi væri þegar kominn í ána. Þessa daganna væri hann í leiðsögn með veiðifólk frá Bandaríkjunum og hafi þeim tekist að setja í fimm laxa víða um ána. Búið var að byggja nýtt veiðihús og hefðu gestirnir orð á því að þar væri afskaplega notalegt að dvelja.
Matthías gat þess að lokum að urriðaveiðin hefði á hinn bóginn verið afskaplega góð í sumar og væri þegar komnir vel yfir þúsund urriðar á land og væri megnið af því tekið á þurrflugur.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |