Samkvæmt upplýsingum frá Veiðifélagi Landmannaafréttar þá var áframhald á fremur rólegri veiði í Veiðivötnum í áttundu veiðivikunni sem þó er nálægt meðalveiði síðustu ára. Fór veiði vel af stað í vötnunum í upphafi en svo dró fremur úr henni eftir fjórðu vikuna.
Fram kemur að alls komu 1478 fiskar á land í liðinni viku. Heildarveiðin stendur núna í 18770 silungum sem skiptast í 11566 bleikjur og 7204 urriða. Flestir fiskar í sumar hafa veiðst í Snjóölduvatni, 6728 fiskar og þá hafa veist 3994 í Litlasjó. Í síðustu viku veiddist mest í Litlasjó í vikunni, 418 fiskar.
Eins og áður þá eru stærstu fiskarnir og mesta meðalþyngdin í Grænavatni sem eingöngu gefur urriða. Þar hafa veiðst 93 slíkir í sumar og er meðalþyngdin þar tæp 4,1 pund og sá stærsti 11,5 pund.
Veitt er til 23. ágúst næstkomandi þegar að hefðbundnir bændadagar taka við þann 25. ágúst og er veitt með því sniði til 17. september.
Nánar má kynna sér þessar veiðitölur hér.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |