Annar risi á land úr Hofsá

Í vikunni kom annar stórlax á land úr Hofsá i Vopnafirði en í upphafi mánaðarins veiddist 109 cm hængur úr Skógarhvammshyl.

Samkvæmt upplýsingum frá Gísla Ásgeirssyni hjá veiðiklúbbnum Streng, sem heldur utan um leigu á ánni, þá veiddist annar 109 cm hængur úr svokölluðum Wilson Run á svæði 5 í ánni. Það var Friðrik Stefánsson fyrrverandi formaður Stangveiðifélags Reykjavíkur sem fékk þann stóra sem var tekinn á smá flugu.

Annars er veiðin fremur róleg í Hofsá þessa daganna og gaf síðasta vika aðeins 55 laxa og eru rétt um 400 laxar komnir á land. Þeir sem til þekkja þykjast þó sjá einhver batamerki á ánni sem hefur verið í niðursveiflu síðustu árin.

Gísli Ásgeirsson

• Blogga um frétt

Seinustu hundraðkallar sumarsins