Samkvæmt upplýsingum frá Stangveiðifélagi Keflavíkur er áframhaldandi myljandi veiði í rigningunni austur í Geirlandsá á Síðu og hefur 74 birtingum verið landað þar síðustu þrjá daga.
Hópur veiðimanna sem var við veiðar 18. til 20. september fékk 32 fiska á þremur vöktum en óveiðandi var eina vaktina vegna vatnavaxta. Það var Benedikt Guðmundsson sem fékk stærsta fiskinn sem reyndist vera 84 cm sjóbirtingshængur sem veiddist á Frigga í Ármótunum. Fékk sá stóri að synda aftur út í ánna að viðureigninni lokinni.
Veiðimennirnir sem tóku við eru búnir að landa 42 sjóbirtingum eftir aðeins tvær vaktir og missa marga. Fram kemur að langstærstur hlutinn sé 4 til 6 punda fiskur en sá stærsti fram að þessu sé einn 10 pundari. u Ármótin svokölluð við Breiðbalakvísl er langsterkust of hafa gefið 20 fiska af þessum afla.
Hafa menn átt í erfiðleikum með að ferðast um ána vegna vatnavaxta en vatnið hafði aðeins fallið í morgun og komust menn klakklaust um svæðið. Mikið vatnsveður er reyndar í kortunum fyrir svæðið næstu daga og gætu aðstæður því fljótt breyst því Geirlandsá er dragá og getur vaxið skyndilega í miklum rigningum.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |