Veiði | mbl | 3.10.2017 | 9:30 | Uppfært 10:11

Ágætis endir í Reykjadalsá

Veiðikona hampar 90 cm laxi sem veiddist fyrstu daganna í september. svfk.is

Samkvæmt upplýsingum frá Stangveiðifélagi Keflavíkur þá urðu lokatölur í Reykjadalsá í Borgarfirði vel ásættanlegar og yfir meðalveiði síðustu ára.

Félagið hefur haft ána á leigu um áratugaskeið og lauk veiði þar þann 30. september og urðu lokatölur 242 laxar og 45 urriðar en veitt er á tvær stangir í ánni.

Reykjadalsá er þekkt síðsumarsá og eins oft oft áður var fremur róleg veiði lengi fram eftir sumri. Í haustrigningum í byrjun september byrjaði hins vegar að veiðast afskaplega vel og gaf september mánuður um 140 laxa. Til að mynda fékk hollið 24. til 26. september 32 laxa og lokaholið 13 fiska.

Þetta er með betri veiðisumrum í Reykjadalsá þar sem meðalveiðin síðustu 10 ár hefur verið rétt um 200 laxar. Mesta veiði var árið 2013 þegar 335 laxar veiddust.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.