Samkvæmt upplýsingum frá Esther Guðjónsdóttir, formanni veiðifélags Stóru Laxár í Hreppum, þá veiddust 590 laxar úr ánni í sumar. Skot kom í veiðina rétt undir lok veiðitímans og veiddust þá um 90 laxar síðustu þrjá daganna í september.
Eftir að Esther hafði sundurgreint tölurnar nánar þá kom í ljós að 529 löxum var sleppt aftur eða um 90%. Þá voru 368 fiskar eða rúmlega 60 % aflans stórlaxar yfir 70 cm. Tveir stærstu laxarnir reyndust vera einn 100 cm og annar 104 cm sem veiddist á Sunray Shadow í Nálarhyl á svæði IV þann 3. júlí.
Svæði I og II gaf alls 326 laxa og 17 urriða. Þeir veiðistaðir sem gáfu mest á svæðinu voru Bergsnös (132), Laxárholt (52), Ytri-Hvammur (40) og í Kálfhagahyl (27).
Á svæði III veiddust í heildina 79 laxar og 21 urriði. Þar veiddist mest í Heljarþröm (32), Sveinsker (24) og Iða (21).
Svæði IV gaf í heildina 185 laxa og 8 urriðar. Þar veiddist mest í Heimahyljum (19), Myrkhyl (19), Bláhyl (16), Ármótum (16) og í Hundastapa (15).
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |