Fram kemur á sunnlenska fréttamiðlinum Sunnlenska að lögreglan á Suðurlandi hafði afskipti af 61 rjúpnaveiðimanni um síðustu helgi í eftirlitsferðum um Fjallabak nyrðra, uppsveitir Árnessýslu og í kringum þjóðgarðinn á Þingvöllum.
Fram kemur að veiðimenn hafi almennt verið til fyrirmyndar og með sín leyfi í lagi. Mikil umferð veiðimanna var um þessi svæði enda veður mjög gott.
Hins vegar voru skotvopn haldlögð hjá fimm veiðimönnum, tveimur þar sem skotvopnaleyfi þeirra voru úr gildi. Hjá öðrum tveimur voru skotvopn haldlögð þar sem kom í ljós við skoðun að fleiri skot voru í skotgeymi en mega vera við veiðar. Í báðum tilvikum voru byssurnar í bifreiðum veiðimanna og skotin í skotgeymi. Einn veiðimaður var svo staðinn að veiðum innan þjóðgarðsmarka Þingvalla. Voru byssa, skotfæri og afli haldlagt.
Lögreglan brýnir fyrir veiðimönnum mikilvægi þess að þeir gangi úr skugga um að skotvopnaleyfi þeirra séu í gildi og að þeir séu með útprentuð veiðikort eða veiðikortin vistuð í síma sínum þannig að auðvelt sé að kalla þau fram sé þess óskað.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |