The Dollop - Með Dave Anthony og Gareth Reynolds

The Dollop - Með Dave Anthony og Gareth Reynolds

MIÐASALA HEFST 9. FEBRÚAR KL. 10
PÓSTLISTAFORSALA SENU LIVE FER FRAM DAGINN ÁÐUR. SKRÁNING HÉR

Sagnfræðinördinn og leikarinn Dave Anthony hafði hugsað sér að stofna hlaðvarp (podcast) árið 2014. Ætlunin var sú að hann myndi segja nýjum grínista í hverri viku frá óþekktum atburðum úr sögu Bandaríkjanna. Hann vonaði að viðbrögð grínistans yrðu þrælfyndin þar sem hann hefði ekki heyrt söguna áður. Dave ákvað að prufa þetta og fyrsti gestur hans var Gareth Reynolds. Þeir smullu strax saman og aðdáendur grátbáðu Dave um að breyta aldrei um gest og Gareth varð þar með að meðstjórnanda þáttarins.

The Dollop skaust hratt upp vinsældarlistana. Bæði fólk úr fræðasamfélaginu og áhorfendur í uppistandsklúbbum drógust að þessu undarlega hlaðvarpi líkt og mý að mykjuskán vegna villtra sagna Daves og spunahæfileikum Gareths. The Dollop er í dag reglulegur gestur á ofanverðum vinsældarlistum hlaðvarpa enda hafa milljónir halað efni þeirra niður og hlustað. Þeir hafa grínast með sagnfræðina fyrir fyrir fullu húsi á ferðum sínum um Bandaríkin og Ástralíu og nú loks er komið að Íslandi! Um er að ræða uppistandssýningu sem er í leiðinni upptaka á einum Dollop þætti og Íslenskir áhorfendur fá þar með tækifæri til að verða hluti af þessum vinsæla þætti.

Um Dave og Gareth
Dave Anthony er grínari með meiru og hefur birst í fjölda grínþátta á borð við Veep, Arrested Development og The Office. Dave fór einnig á kostum sem furðulegt útgáfa af sjálfum sér í þáttunum Maron eftir Marc Maron.
Hinn ungi og upprennandi Gareth Reynolds hefur leikið í kvikmyndum á borð við jólamynd Harolds & Kumars, Hail Mary, Money from Strangers og þáttunum Idiotsitter. Hann hefur einnig birst í hinum vinsælu þáttum Maron.

The Dollop sýningin (og hlaðvarpsupptakan) fer fram í Norðurljósum, Hörpu, þann 21. mars. Aðeins 300 sæti eru í boði og er miðaverð litlar 4.990 kr. Norðuljósum verður stillt upp eins og góðum uppistandsklúbbi; ónúmeruð sæti og bar inn í salnum.

Umsjón: Sena Live

21. mar. kl. 20:00–22:00
Viðburði er lokið

Harpa

Austurbakka 2, 101 Reykjavík

+354 528 5000

Vefsíða viðburðar

Kaupa miða

Heimasíða staðar

+ SKRÁ VIÐBURÐ