Björgólfur Thor Björgólfsson var í gærkvöldi útnefndur fjárfestir ársins í Búlgaríu af búlgarska ríkisútvarpinu. Björgólfur Thor hefur verið virkur þátttakandi í búlgörsku atvinnulífi frá árinu 1999, þegar hann leiddi kaup Pharmaco á búlgarska lyfjafyrirtækinu Balkanpharma.

Novator, fyrirtæki Björgólfs Thors, fjárfesti nýverið í búlgarska landssímanum, BTC, og námu þau viðskipti nærri 100 milljörðum íslenskra króna. Fyrr á árinu keypti Novator 34% hlut í EI Bank en hann er áttundi stærsti bankinn í Búlgaríu með heildareignir upp á nærri 50 milljarða íslenskra króna.

Björgólfur Thor var einn þriggja sem tilnefndir voru sem fjárfestar ársins. Hinir voru Telecom Austria sem hefur komið sér fyrir á farsímamarkaði í Búlgaríu og Global Steel Holding sem er í eigu indverska auðkýfingsins Lakshmi Mittal.