Landsbankinn opnaði í gær viðskiptaskrifstofu í Winnipeg í Kanada, tæplega 132 árum eftir að fjöldi Íslendinga kom til borgarinnar og settist þar að eða hélt áfram til þar sem nú er Gimli við Winnipegvatn, um 100 km frá Winnipeg. Stefnt er að stofnun útibús Landsbankans í Winnipeg innan skamms.

Talið er að um 200.000 Kanadamenn séu af íslenskum ættum og þar af búi um 80.000–100.000 í Manitoba.

Fyrir rekur bankinn skrifstofu í Halifax í Nova Scotia á austurströnd Kanada sem annast fyrirtækjaráðgjöf.

Landsbankinn segist í fyrstu munu kynna einkabankaþjónustu þar sem bankinn ávaxtar eignir viðskiptavina m.a. með aðgangi að verðbréfamörkuðum á Íslandi og 13 öðrum Evrópumörkuðum. Stefnt er að stofnun útibús Landsbankans í Winnipeg innan skamms og mun starfsemi hans þá verða fjölbreyttari og falla undir lögsögu fjármálayfirvalda í Kanada.