Hagnaður Actavis Group nam 27 milljónum evra, jafnvirði rúmlega 2,3 milljarða króna, á fyrsta fjórðungi ársins og dróst saman um 15,3% milli ára. Segir fyrirtækið að skýringar á því séu aðallega hærri afskriftir og aukinn vaxtakostnaður vegna ýmissa fjárfestingarverkefna. Tekjur félagsins námu 382,7 milljónum evra, 33,3 milljörðum króna og jukust um 11,9% milli ára.

Róbert Wessman, forstjóri Actavis, segir í tilkynningu að árið hafi farið vel af stað. Á síðari hluta ársins verði ný lyf markaðssett og framlegð og vöxtur muni styrkjast eftir því sem líður á árið. Samhliða góðum undirliggjandi vexti muni stjórnendur fyrirtækisins halda áfram að skoða áhugaverð tækifæri til vaxtar og framfylgja stefnu um að koma Actavis í enn sterkari stöðu á heimsmarkaði.

Tilkynning Actavis