Ástralska fyrirtækið BHP Billiton Ltd., stærsta námufélag heims, er að íhuga að leggja fram tilboð í kanadíska álfélagið Alcan, sem m.a. er móðurfélag Alcan á Íslandi. Hefur BHP ráðið fjárfestingarbankann Merrill Lynch & Co. til að veita ráðgjöf við tilboðsgerðina, að sögn Reutersfréttastofunnar.

Bandaríska álfélagið Alcoa, sem rekur m.a. álver í Reyðarfirði, hefur lagt fram 28,7 milljarða dala tilboð í Alcan. Breska blaðið The Times sagði raunar í dag að BHP væri að íhuga að leggja fram tilboð í Alcoa frekar en Alcan og myndi tilboðið hljóða upp á 40 milljarða dala. Er þetta í annað skipti á fjórum mánuðum, sem blaðið birtir frétt þessa efnis. Gengi bréfa Alcoa hefur hækkað í dag kjölfarið.