Enn hækkar verð á hráolíu

Verð á hráolíu fór í 90,07 dali tunnan í viðskiptum á hráolíumarkaði í New York í morgun og er þetta hæsta verð sem fengist hefur fyrir hráolíu. Fyrra metið var slegið í gær er 90,02 dalir fengust fyrir tunnuna í gærkvöldi.

Helstu skýringar á hækkun olíuverðs eru áhyggjur af birgðastöðu, vaxandi spenna í samskiptum Tyrkja og Íraka.

Í Lundúnum voru viðskipti með Brent Norðursjávarolíu á 84,60 dali tunnan en í gær fór Brent-olían í 84,88 dali tunnan á olíumarkaði í Lundúnum.

• 1 blogg um fréttina

Bloggað um fréttina

• Jón Lárusson: Olían og við