Björgvin G. Sigurðsson, viðskiptaráðherra, hyggst setja á stofn nefnd, til að fara yfir ákvæði laga sem lúta að uppgjöri innlends hlutafjár sem skráð er í erlendri mynt, m.a. laga um rafræna eignarskráningu verðbréfa og laga um öryggi greiðslufyrirmæla í greiðslukerfum. Á niðurstaða að liggja fyrir ekki síðar en 1. mars.

Viðskiptaráðuneytið segir, að áhugi innlendra fyrirtækja, sem skrásett eru á skipulegum verðbréfamarkaði hér á landi, hafi að undanförnu aukist á að skrá hlutafé sitt í erlendri mynt aukist verulega. Af því tilefni hafi spunnist umræður um hvernig standa skuli að greiðsluuppgjöri vegna viðskipta með hlutabréf hér á landi sem skráð eru í erlendri mynt.

Formaður nefndarinnar verður Jón Sigurðsson, fyrrverandi Seðlabankastjóri og bankastjóri Norræna fjárfestingabankans. Óskað hefur verið eftir tilnefningum frá Seðlabanka Íslands, Samtökum fjármálafyrirtækja, Verðbréfaskráningu Íslands hf. og Fjármálaeftirlitinu.