FL Group mun gefa sér betri tíma til að skoða fjárfestingar

FL Group kynnti á fundi með fjárfestum í í morgun þær breytingar sem hafa orðið á hluthafahóp félagsins og fjármögnun þess. Í ½5 fréttum Greiningardeildar Kaupþings segir, að fram hafi komið í máli Jóns Ásgeirs Jóhannessonar, stjórnarformanns FL Group og Jóns Sigurðssonar, nýs forstjóra, að félagið muni héðan í frá gefa sér betri tíma til að skoða þær fjárfestingar sem bjóðast hverju sinni.

Þá gefi sterkara félag fjárhagslega stjórnendum jafnframt möguleika á að hlúa betur að núverandi fjárfestingum sínum ásamt því að ráðast í nýjar.

½5 fréttir hafa eftir Jóni Sigurðssyni, að hann teldi eðlilegt að miða við að félagið hefði hverju sinni a.m.k. 20 milljarða króna lausa í sjóðum. Forsvarsmenn félagsins reikni með að sjóðsstaðan verði um 35 milljarðar króna eftir breytingarnar.

• 1 blogg um fréttina

Bloggað um fréttina

• Jón Finnbogason: Meiri tími?