Gengisbundin lán heimila í sögulegu hámarki

Gengisbundin lán heimila námu 138 milljörðum króna í desember og eru í sögulegu hámarki, samkvæmt tölum frá Seðlabankanum. Fram kemur í ½5 fréttum Kaupþings, að hlutdeild erlendra skulda heimila hafi farið vaxandi á síðustu mánuðum og þau séu nú rúmlega 16% af heildarskuldum heimila.

Kaupþing segir, að slík lán beri gengisáhættu og séu í raun ein tegund vaxtarmunarviðskipta. Breytingar á gengi krónunnar hafi því áhrif á greiðslubyrði slíkra lána og þannig aukist greiðslubyrði heimila þegar krónan veikist og að sama skapi minnki greiðslubyrðin þegar krónan styrkist.

Skuldir heimila við bankakerfið jukust um 13,8 milljarða króna í desember og nema nú í heild 838 milljörðum samkvæmt tölum frá Seðlabankanum.

• 1 blogg um fréttina

Bloggað um fréttina

• Hallur Magnússon: Þjóðin að yfirgefa krónuna!