Sektað fyrir samkeppnishindrandi aðgerðir á gasmarkaði

Stofnun sem fer með orkumál í Bretlandi (Ofgem) hefur sektað breska landsnetið (National Grid) um 41,6 milljónir punda, tæpa 5,5 milljarða króna, fyrir að takmarka samkeppni á innlendum gasmarkaði.

Í tilkynningu frá Ofgem kemur fram að National Grid, sem á um 99% af öllum gasmælum í Bretlandi, hafi í nokkrum tilvikum hindrað samkeppnisaðila í að skipta út mælum sem eru í eigu National Grid fyrir ódýrari og fullkomnari mæla. Er þetta hæsta sekt sem Ofgem hefur lagt á fyrirtæki.

Að sögn yfirmanns Ofgem, John Mogg, hefur National Grid komið í veg fyrir samkeppni á gasmarkaði með aðgerðum sínum og um leið skaðað neytendur.

National Grid neitar því að félagið hafi gert eitthvað rangt og hyggst áfrýja úrskurði Ofgem.

• 1 blogg um fréttina

Bloggað um fréttina

• Helgi Jónsson: GAS