Guðný María ráðin í stað Hrannar hjá FLE

Hrönn Ingólfsdóttir hefur ákveðið að láta af störfum sem framkvæmdastjóri viðskiptaþróunarsviðs Flugstöðvar Leifs Eiríkssonar ohf. í lok mars nk. og tekur Guðný María Jóhannsdóttir, sem verið hefur markaðsstjóri fyrirtækisins, við hennar starfi.

Guðný María er fædd árið 1980 og lauk B.S. prófi frá Viðskiptaháskólanum á Bifröst árið 2003. Guðný María hóf störf hjá Flugstöð Leifs Eiríkssonar í apríl 2004 sem verkefnastjóri á fjármálasviði. Í júní 2007 tók Guðný svo við starfi markaðsstjóra. Guðný María er í sambúð með Gunnari Agli Sigurðssyni rekstrarstjóra og saman eiga þau eitt barn.

Hrönn var ráðin til Flugstöðvarinnar í júlí 2002, fyrst sem forstöðumaður markaðssviðs, en tók við starfi framkvæmdastjóra á nýju viðskiptaþróunarsviði í nóvember 2006. Hrönn tekur við starfi framkvæmdastjóra Bensínorkunnar þann 1. apríl nk.

• 3 blogg um fréttina

Bloggað um fréttina

• Hvíti Riddarinn: Þetta er myndaleg stelpa
• Björn Árni Ólafsson: Þetta er klár kona
• Jón Finnbogason: og hvað með það...