Spáir vaxtahækkun á morgun

Greiningardeild Landsbankans spáir því, að Seðlabankinn hækki stýrivexti sína úr 15% í 15,5% á morgun. Ekki sé heldur hægt að útiloka stærra skref. Landsbankinn segist reikna með að stýrivextir Seðlabankans byrji að lækka í haust og verði komnir í 9% í lok ársins 2009.

Landsbankinn segir, að hækkandi heimsmarkaðsverð á olíu og hrávöru, lækkandi gengi krónunnar, kaupmáttartrygging launasamninga og vöxtur opinberra fjárfestinga leggist nú á eitt um að kynda undir verðbólguvæntingar.

Líklegast sé að Seðlabankinn hækki vexti á morgun til að fylgja eftir vaxtahækkuninni sem tilkynnt var um í lok mars og reyna að ná niður væntingum um verðbólgu til langs tíma.

• 4 blogg um fréttina

Bloggað um fréttina

• Jóhann Elíasson: Fer ekki skórinn að verða fullur?
• G. Valdimar Valdemarsson: Framsýni?
• Johnny B Good: Himinháir stýrivextir - hvað með næstu innrás?
• Úlfar Þór Birgisson Aspar: Þetta bara gengur ekki