Olíuverð í 117 dali

Verð á hráolíu komst í 117 dali tunnan í viðskiptum í Asíu í nótt og er það rakið til yfirlýsinga OPEC-samtakanna um helgina um að ekki standi til að auka framleiðslu á olíu. Eldsneytisverð hækkaði hér á landi á föstudag, bensínverð um 1 krónu og verð á dísilolíu um þrjár krónur.

England og Japan fóru fram á það við OPEC að olíuframleiðslan yrði aukin en OPEC mat það svo, að ekki væri skortur á olíu eins og sakir standa. 

Lækkandi gengi Bandaríkjadals hefur einnig haft áhrif á olíuverðið.  

• 3 blogg um fréttina

Bloggað um fréttina

• Ketill Sigurjónsson: Á valdi óttans
• Reynir W Lord: Sturla og félagar hvar eruð þið !
• Rúnar Haukur Ingimarsson: Af hverju 3 krónur ?