Aukinn halli á vöruskiptum

Fyrstu þrjá mánuði ársins voru fluttar út vörur fyrir 78 milljarða króna en inn fyrir 102,7 milljarða króna fob (111,9 milljarða króna cif). Halli var á vöruskiptunum við útlönd, reiknað á fob verðmæti, sem nam 24,7 milljörðum en á sama tíma árið áður voru þau óhagstæð um 12,3 milljarða á sama gengi. Vöruskiptajöfnuðurinn var því 12,5 milljörðum króna óhagstæðari en á sama tíma árið áður.

Á vef Hagstofu Íslands kemur fram að í marsmánuði voru fluttar út vörur fyrir 34,3 milljarða króna og inn fyrir 37,1 milljarð króna fob (40,5 milljarða króna cif). Vöruskiptin í mars, reiknuð á fob verðmæti, voru því óhagstæð um 2,8 milljarða króna. Í mars 2007 voru vöruskiptin óhagstæð um 4 milljarða króna á sama gengi.

Verðmæti útflutts sjávarútvegs dregst saman

Fyrstu þrjá mánuði ársins 2008 var verðmæti vöruútflutnings 10,1 milljarði eða 11,4% minna á föstu gengi en á sama tíma árið áður. Sjávarafurðir voru 41% alls útflutnings og var verðmæti þeirra 15,4% minna en á sama tíma árið áður. Útfluttar iðnaðarvörur voru nær helmingur alls útflutnings og var verðmæti þeirra 11,7% meira en árið áður. Mestur samdráttur varð í útflutningi skipa og flugvéla og sjávarafurða, aðallega frystra flaka, en á móti kom aukning í útflutningi á áli.

Mest aukning í innflutningi á fólksbifreiðum

Fyrstu þrjá mánuði ársins 2008 var verðmæti vöruinnflutnings 2,4 milljörðum eða 2,4% meira á föstu gengi en á sama tíma árið áður. Mest aukning varð í innflutningi á fólksbílum og hrá- og rekstrarvörum en á móti kom samdráttur í innflutningi á flugvélum og fjárfestingavöru.

• 4 blogg um fréttina

Bloggað um fréttina

• Halldór Jónasson: Skoða verður þetta í samhengi
• Björgvin Guðmundsson: Halli á vöruviðskiptum við útlönd eykst.Mest aukning á innflutningi bíla!
• Hallgrímur Guðmundsson: Hvert stefnir?
• Guðbjörn Jónsson: Vilja menn ennþá hærri stýrivexti??????????