Kjör forstjóra Glitnis í samræmi við það sem tíðkaðist

Þau kjör sem Lárusi Welding voru boðin er hann var ráðinn forstjóri Glitnis munu hafa verið í samræmi við það sem tíðkaðist við gerð sambærilegra samninga hjá fjármálafyrirtækjum á þessum tíma. Þetta kemur fram í svari stjórnarformanns Glitnis, Þorsteins Más Baldvinssonar, til Vilhjálms Bjarnasonar, hluthafa í Glitni.

Á aðalfundi Glitnis þann 20. febrúar sl. spurði Vilhjálmur m.a. um hvaða ástæður lágu til þess að gerður var kaupréttarsamningur við forstjóra bankans fyrir 150 milljónum hluta á genginu 26,6, samtals að fjárhæð 3.990.000.000, og hver er áætlaður kostnaður Glitnis banka af þessum samningi?

Unnið að því að fella kauprétti niður

Í svari Þorsteins við spurningum Vilhjálms um kaupréttarsamninga forstjóra og lykilsstarfsmanna kemur fram að unnið er að því um þessar mundir, í samstarfi við lykilstjórnendur, að breyta núverandi fyrirkomulagi og fella niður þá kauprétti sem nú eru í gildi.  Tilgangurinn með breytingunum verður fyrst og fremst að koma á nýju fyrirkomulagi þar sem hagur hluthafa og starfsmanna fer betur saman en samkvæmt því fyrirkomulagi sem nú er við lýði. 

Vilhjálmur Bjarnason

• 2 blogg um fréttina

Bloggað um fréttina

• Guðjón Sigþór Jensson: Góð breyting
• Námsmaður bloggar: Glitnir sýnir fordæmi