Litlar breytingar urðu á hráolíuverði í Asíu í morgun eftir mikla lækkun í gær. Verð á hráolíu er nú 141,55 dalir tunnan í rafrænum viðskiptum á NYMEX markaðnum í New York. Í gær lækkaði verð á tunnunni um 3,92 dali eða 2,7% og var lokaverðið á NYMEX 141,37 dalir tunnan. Verð á Brent Norðursjávarolíu hækkaði um 21 sent tunnan í viðskiptum í Lundúnum í morgun og er 142,11 dalir tunnan.

Skýrist lækkunin í gær einkum af lægra gengi Bandaríkjadals og minni eftirspurn.

Verð á hráolíu fór hæst í 145,85 dali tunnan á fimmtudag en lokaverðið var 145,29 dalir tunnan í Bandaríkjunum þann dag. NTMEX markaðurinn var lokaður á föstudag vegna þjóðhátíðardags Bandaríkjanna.