Moody's lækkar einkunn Roskilde Bank

Alþjóðlega matsfyrirtækið Moody's hefur ákveðið að lækka lánshæfiseinkunn danska bankans Roskilde Bank. Ástæðan er neyðarlán það sem bankinn þurfti að fá hjá danska seðlabankanum á dögunum.

Einkunn bankans fyrir fjárhagslegan styrk var lækkuð úr C- í D og einkunn víkjandi skulda bankans úr Baa1 í Ba1. Einkunn ríkjandi skuldabréfa var staðfest sem og skammtímaeinkunnin.