Bankastjórar Landsbanka Íslands, Halldór J. Kristjánsson og Sigurjón Þ. Árnason, óskuðu eftir því í gær að láta af störfum sem bankastjórar og féllst stjórn bankans (skilanefnd) á það. Að beiðni stjórnar bankans hafa þeir fallist á að vera bankanum til ráðgjafar í öllu því sem varðar að tryggja sem farsælasta umbreytingu í rekstri bankans við erfiðar aðstæður, að því er segir í tilkynningu frá þeim Halldóri og Sigurjóni.