Lettar óska eftir aðstoð IMF

Stjórnvöld í Lettlandi ætla að hefja formlegar viðræður við Alþjóðagjaldeyrissjóðinn um aðstoð, að því er Ivas Godmanis, forsætisráðherra landsins greindi frá í dag. Tilgangurinn væri að koma jafnvægi á efnahag landsins. Godmanis vildi þó ekki greina frá hvenær viðræðurnar myndu hefjast.

Ferli tengt „ákveðnum banka“ væri þó tengt viðræðunum að sögn Godmanis, sem ekki vildi skýra mál sitt frekar.

8 nóvember sl. ákváðu lettnesk stjórnvöld að kaupa 51% hlut í Parex, stærsta innlenda banka landsins og öðrum stærsta bankanum í Lettlandi. Fyrir þetta greiddi stjórnin tæpar 500 íslenskar krónur, en kaupin komu til eftir að Parex tapaði stórum fjárhæðum. Sögðu stjórnvöld aðgerðir sínar til þess ætlaðar að forða frekari fjármálakreppu í landinu.

• 1 blogg um fréttina

Bloggað um fréttina

• Jón Aðalsteinn Jónsson: Þurfa þeir IMF