Straumur stofnar fjárfestingarsjóð
Setja bókamerki
Straumur Burðarás áformar að stofna fjárfestingarsjóð til að fjárfesta í íslenskum fyrirtækjum. Þetta kom fram á blaðamannafundi, sem William Fall, forstjóri bankans, hélt í dag. Sagði Fall, að vonast væri til að íslenskir og erlendir fjárfestar kæmu að sjóðnum, sem ætlað sé að aðstoða við uppbyggingu og endurfjármögnun íslenskra fyrirtækja.
Sjóðurinn mun hafa sjálfstæða stjórn. Honum verður stjórnað á Íslandi og einbeita sér að fyrirtækjum í matvælaframleiðslu, ferðaþjónustu og tryggingastarfsemi. Straumur mun leggja verkefninu, sem nefnt verður Phoenix, til 40 milljónir evra, jafnvirði 7,3 milljarða króna. Sagði Fall að talsverður áhugi væri fyrir sjóðnum og hugsanlega verði framlög í hann allt að 500 milljónir evra, jafnvirði 90 milljarða króna.
Fall sagði, að innlendir og erlendir fjárfestar hefðu haft samband við bankann, „ekki hrægammar heldur fjárfestar til meðallangs eða langs tíma, sem sjá tækifæri í fjárfestingum og endurskipulagningu atvinnulífs á Íslandi," hefur Bloomberg fréttastofan eftir Fall. „Sumir eru reiðubúnir til að leggja fram verulegar upphæðir."
Ofsóttur innan veggja Boeing
„Menn eru bara búnir að forgangsraða“
Hægagangur og vaxandi ókyrrð
Þrjú og hálft ár fyrir skotárás í Úlfarsárdal
Markaðurinn hitnar og leiguverð hækkar hratt
Mikil skjálftavirkni á landinu áhyggjuefni
Bjarkey stendur við skammarbréf Svandísar