Madoff í stofufangelsi
Setja bókamerki
Bernard Madoff, einn af virtustu fjármálamönnum New York, var úrskurðaður í stofufangelsi í dag vegna rannsóknar á svikamáli hans. Madoff var skipað að bera rafrænt ökklaband til að hægt yrði að fylgjast með ferðum hans.
Madoff var settur í útgöngubann og konu hans var gert að afhenda vegabréf sitt, auk þess sem hún þarf að veðsetja fasteignir sínar í New York og Flórída. Madoff hefur þegar afhent vegabréf sitt og sett íbúð sína í New York að veði vegna úrskurðar um að hann verði leystur úr haldi gegn tíu milljóna dollara tryggingu. Íbúðin er metin á 7 milljónir dollara, sem svarar rúmum 800 milljónum króna.
Madoff er sjötugur og var eitt sinn yfirmaður Nasdaq-kauphallarinnar í New York. Hann hefur orðið uppvís að því að svíkja minnst 50 milljarða dollara út úr viðskiptavinum sínum á síðustu árum, meðal annars mjög öflugum bönkum.
Benda á Samgöngustofu sem bendir út í heim
Segir óábyrgt að skipta út öllu bankaráðinu
Stóraukið fé til samgöngusáttmála
Mikil skjálftavirkni á landinu áhyggjuefni
Innviðir þandir og álagið „gríðarlegt“
Kveðst tala af virðingu: „Ég er enginn dóni“
Kvikan virðist nú skiptast til helminga
Aukin tíðni þungunarrofa hjá yngsta aldurshópnum