Stjórnendur fyrirtækja svartsýnir

Samkvæmt könnun sem gerð var í nóvember og desember sl. hækkuðu verðbólguvæntingar fyrirtækja verulega frá síðustu könnun. Væntu forsvarsmenn fyrirtækja 15% verðbólgu á næstu tólf mánuðum samanborið
við 7% í september. Jafnframt voru stjórnendur afar svartsýnir á aðstæður í efnahagsmálum og nánast allir (98,6%) töldu þær vera slæmar samanborið við 83% þeirra í síðustu könnun. Þetta kemur fram í Hagvísum Seðlabanka Íslands.

Rúmur helmingur þeirra taldi að aðstæður yrðu verri eftir sex mánuði samanborið við rúman þriðjung í september. Mest breyting varð á afstöðu stjórnenda fyrirtækja í verslun og byggingarstarfsemi og voru þeir mun svartsýnni en áður.

Hagvísar Seðlabanka Íslands

• 1 blogg um fréttina

Bloggað um fréttina

• Ívar Pálsson: Vonlítið að reka fyrirtækin í þessu