Viðskipti
| AP
| 13.1.2009
| 12:44
Heimsmarkaðsverð á olíu niður fyrir 37 dali
Það gengur oft á ýmsu á NYMEX markaðnum í New York þar sem viðskipti með hráolíu fara fram. AP
Verð á hráolíu er komið niður fyrir 37 dali tunnan í rafrænum viðskiptum á NYMEX markaðnum í New York. Það sem af er degi hefur verðið á tunnunni lækkað um 91 sent og er 36,68 dalir. Í Lundúnum hefur verð á Brent Norðursjávarolíu lækkað um 19 sent og er 42,72 dalir tunnan.
Verð á hráolíu hefur lækkað um rúm 25% frá því það fór yfir 50 dali tunnan í síðustu viku. Í gær lækkaði heimsmarkaðsverð á olíu um 8% eða 3,24 dali tunnan í 37,59 dali.
© Árvakur hf.
Öll réttindi áskilin
