Alþjóðagjaldeyrissjóðurinn (IMF) spáir því nú, að hagvöxtur verði aðeins 0,5% að jafnaði í heiminum á árinu. Gangi það eftir hefur hagvöxtur ekki verið minni frá því í síðari heimsstyrjöldinni. Samkvæmt spá sjóðins munu hagkerfi í Afríku, Asíu og Miðausturlöndum vaxa um 3-4% en 2-3% samdráttur verður í iðnríkjunum.

„Hagkerfi heimsins er að fara í djúpt samdráttarskeið," segir Alþjóðagjaldeyrissjóðurinn í nýrri skýrslu Hefur spá sjóðsins breyst mjög á síðustu mánuðum en í nóvember spáði IMF 1,75% hagvexti að jafnaði í heiminum. 

„Þrátt fyrir víðtækar aðgerðir eru fjárhagserfiðleikar enn miklir og það dregur hagkefin niður," segir IMF. Segir í skýrslunni að útlitið sé afar óljóst. 

Samkvæmt spá IMF mun landsframleiðsla í Bandaríkjunum dragast saman um 1,6% á árinu, um 2% á evrusvæðinu öllu, 2,5% í Þýskalandi, 1,9% í Frakklandi, 2,1% á Ítalíu,  2,8% í Bretlandi og 2,6% í Japan.

Hins vegar er spáð 6,7% hagvexti í Kína, 5,1% í Indlandi og 0,3% í Rússlandi svo eitthvað sé nefnt.

Sjóðurinn býst hins vegar við betri tíð árið 2010.

Vefur IMF

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 4 blogg um fréttina

Bloggað um fréttina

• Haraldur Haraldsson: Nær engin hagvöxstur,í heiminum nema Kina og Indlandi!!!!
• Guðbjörn Jónsson: Eru þeir enn í draumalandi frjálshyggjunnar hjá IMF.
• Vilborg Traustadóttir: Og við erum að karpa um hvenær á að kjósa!
• Tómas Þráinsson: Á maður að fara að taka mark á þeim???