Straumur-Burðarás fjárfestingabanki hefur veitt stjórnendum og starfsmönnum samstæðunnar kauprétti að hlutabréfum í Straumi að nafnverði 650 milljónir króna. Þar af var mönnum í framkvæmdastjórn Straums veittur kaupréttur að hlutum að nafnvirði samtals 296 milljónir.

Viðmiðunargengi kaupréttarins er 1,67 krónur sem er meðalgengi síðustu tuttugu viðskiptadaga fyrir útgáfudag.  Lokagengi bréfa Straums var 2,53 í Kauphöll Íslands í dag.

Gildistími kauprétta er fimm ár en kaupréttur fellur niður við starfslok. 
Viðkomandi starfsmenn mega nýta áunninn kauprétt  hvenær sem er á gildistímanum í samræmi við áunnin réttindi, nema lög og reglur kveði á um tímabundin takmörk við viðskiptum.