Tap Century 898,3 milljónir dala

Tap Century Aluminum, móðurfélags Norðuráls, nam 700,2 milljónum dala á fjórða ársfjórðungi. Á sama tímabili árið 2007 nam tap félagsins 112,3 milljónum dala. Tap ársins 2008 nam 898,3 milljónum dala, 102 milljörðum króna, samanborið við 101,2 milljónir dala árið 2007.

Á vef Century er haft eftir Logan W. Kruger, forstjóra fyrirtækisins að  Century hafi gripið til harðra aðgerða vegna efnahagskreppunnar og áhrifa hennar á hrávöruverð. Hann segir að bygging álvers fyrirtækisins í Helguvík sé til athugunar og nýjar framkvæmdir stöðvaðar að mestu. Umfang verkefnisins í heild sé til endurskoðunar og fjármögnunarmöguleikar. Áfram sé litið á Helguvík sem góða fjárfestingu fyrir hluthafa fyrirtækisins og að umhverfið á Íslandi sé áfram aðlaðandi kostir fyrir Century til framtíðar.

Frekari upplýsingar á vef Century 

Ómar Óskarsson

• 4 blogg um fréttina

Bloggað um fréttina

• GRÆNA LOPPAN: Kreppan umhverfisvæn í ofanálag
• Valgerður Halldórsdóttir: Við eigum aðra valkosti - Eldfjallagarður á Reykjanesi
• Ómar Ragnarsson: Bjóðum bara lægra lægsta verð, ekki satt?
• Ómar Geirsson: Hvað segir Jón Gunnarsson um þetta.