62 milljarða dala tap
Maður tekur mynd af AIG turninum í Tókýó.
Reuters
Setja bókamerki
Bandaríska trygginga- og fjármálafyrirtækið AIG tapaði 61,7 milljörðum dala, jafnvirði nærri 7100 milljarða króna, á fjórða ársfjórðungi 2008. Er þetta mesta tap sem um getur hjá bandarísku fyrirtæki á einum ársfjórðungi.
Alls tapaði AIG 99.3 milljörðum dala á árinu öllu samanborið við 6,2 milljarða dala hagnað árið 2007.
Þess má geta að verg landsframleiðsla á Íslandi er um það bil 1300 milljarðar króna á ári.
Í yfirlýsingu frá AIG segir, að afar slæmar aðstæður á markaði hafi haft áhrif á afkomuna.
Í gærkvöldi samþykkti Bandaríkjastjórn að leggja AIG til 30 milljarða dala til viðbótar úr opinberum sjóðum en áður hefur fyrirtækið fengið 150 milljarða dala. Bandaríski seðlabankinn fær á móti hlut í tveimur alþjóðlegum dótturfélögum AIG.
Sex hafa greinst með listeríu
„Það þarf að vinna mikinn fjölda upp“
Tveir í bílnum sem lenti utan vegar
Shakespeare fannst í skókassa
Kostnaður meiri en milljón á fermetra
Handteknir eftir myndatöku í Vesturbæjarlaug
„Umsátursástand“
Vélsleðaslys: Þyrlan kölluð út á mesta forgangi