Krónan veikist

Gengisvísitala krónunnar heldur áfram að hækka í dag og hefur krónan veikst um 0,8% það sem af er degi. Stendur gengisvísitalan í 207,3 stigum. Við lok dags í gær hafði gengi krónunnar veikst um 11% á tveimur vikum.

11. mars síðastliðinn hafði krónan ekki staðið sterkar frá 26. september á síðasta ári, en það var nokkrum dögum fyrir hrun íslensku bankanna í byrjun október. Hefur krónan veikst nokkuð samfellt undanfarna daga, reyndar í mjög litlum viðskiptum.

Bandaríkjadalur kostar nú 118 krónur, evran 160 krónur og breska pundið 171 krónur.

• 1 blogg um fréttina

Bloggað um fréttina

• Sigurður Sigurðsson: Hefur nýji Seðlabankastjórinn enga stjórn á hlutunum ??