Fons gjaldþrota
Setja bókamerki
Héraðsdómur Reykjavíkur samþykkti í dag að taka Fons, eignarhaldsfélag Pálma Haraldssonar og Jóhannesar Kristinssonar, til gjaldþrotaskipta. Félagið á meðal annars Securitas og Plasprent. Pálmi segir þetta vera áfall. Félagið hafi staðið betur en mörg önnur félög.
Fons hefur verið atkvæðamikið félag í íslensku viðskiptalífi undanfarin ár og átti meðal annars stóran hlut í FL Group. Auk Securitas og Plastprent á Fons hlut í bresku leikfangaversluninni Hamleys og norrænu ferðaþjónustufyrirtækinu Ticket.
„Þetta er auðvitað mikið áfall,“ segir Pálmi en vill að öðru leyti lítið tjá sig um stöðu félagsins. Óskað hafi verið eftir að félagið yrði tekið til gjaldþrotaskipta sem Héraðsdómur samþykkti í dag.
Samkvæmt heimildum Morgunblaðsins eru eignir félagsins metnar á tíu til tólf milljarða. Þar af eru fjórir milljarðar í reiðufé. Skuldirnar nema hins vegar um tuttugu milljörðum. Viðskiptabankarnir þrír eru stærstu kröfuhafar.
Beint frá Kína
Vona að Orkustofnun veiti ekki virkjunarleyfi
Fara ekki lengur fram á einangrun yfir Davíð
„Á réttri leið en nokkuð í land ennþá“
„Þetta náttúrulega endar með ósköpum“
Handtekin eftir að tvö börn fundust látin
Mest spennandi kosningar í áratugi