Enginn áhugi á ríkisbréfum

Hætt er við að svonefnd nýmarkaðslönd víðs vegar um heiminn muni eiga í erfiðleikum með að verða sér úti um fjármagn í útboðum á ríkisskuldabréfum í kjölfar algjörrar höfnunar fjárfesta á skuldabréfum lettneska ríkisins í útboði í gær. Enginn áhugi var fyrir 100 milljóna dollara ríkisbréfum Letta.

Í frétt Financial Times segir að hinn litli áhugi fyrir ríkisskuldabréfum lettneska ríkisins, sem skyldu vera til skamms tíma, hafi haft áhrif á gengi hlutabréfa sænskra banka, en þeir hafa fjárfest mikið í Eystrasaltslöndunum á umliðnum árum. Þá hafi gengi gjaldmiðla nokkurra Austur-Evrópuríkja veikst nokkuð gagnvart Bandaríkjadollar í kjölfar niðurstöðunnar í útboðinu.

Segir í frétt FT að meginástæðan fyrir áhugaleysinu í útboði ríkisskuldabréfanna stafi af því að talið sé að gengi latins, gjaldmiðils Letta, sé of hátt skráð. Nefnt hefur verið að það þurfi að lækka um þriðjung. Forsætisráðherra Letta, Vladis Dombrovskis, vill ekki gera það.

• 2 blogg um fréttina

Bloggað um fréttina

• Hörður Valdimarsson: Lettar og ESB.
• Axel Jóhann Axelsson: Lettar og Evrutengingin