Langflug tekið til gjaldþrotaskipta
Setja bókamerki
Með úrskurði Héraðsdóms Reykjavíkur sem kveðinn var upp 4. júní síðastliðinn var Langflug ehf. tekið til gjaldþrotaskipta. Langflug er í 2/3 hluta í eigu FS7, félags Finns Ingólfssonar, fyrrverandi ráðherra og seðlabankastjóra, og 1/3 hluta í eigu fjárfestingafélagsins Giftar.
Skipaður hefur verið skiptastjóri yfir þrotabúinu og er það Benedikt Ólafsson hæstaréttarlögmaður.
Langflug var stofnað haustið 2006 um eignarhlut sem Eignarhaldsfélag Samvinnutrygginga keypti í Icelandair Group. Í júní 2007 var Eignarhaldsfélagi Samvinnutrygginga slitið og eignir félagsins voru færðar í nýtt hlutafélag, Gift hf.
Skilanefnd Landsbankans leysti til sín 23,84% hlut Langflugs í Icelandair Group í maí síðastliðnum en bankinn hafði fjármagnað kaup Langflugs á sínum tíma og voru hlutabréfin til tryggingar fyrir lánunum.
Sjá frétt mbl.is um hvernig FS7 eignaðist hlut í Icelandair:
Umdeildur kaupréttarsamningur
Unnu að fullum heillindum að kaupum á TM
Segjast ekki vera á kaldri slóð
Aðkoman í gripahúsið mjög slæm
Sárt að horfa upp á illa meðferð fjármuna
Hyggjast leyfa fólki að skoða gosið
Færa slökkviliðið til nútímans
Hæstiréttur staðfestir vanhæfi alls Landsréttar